أسرة الحياة

السلام عليكم
ازيكم يا شباب وازى حضرتك يا دكتور
ممكن نعرف اذا كان فى رحله ولا لأ ولك كل الشكر والاحترام ولكل الزملاء

يالا يا شباب نتقابل في المنتدي الجديد

صدقيني يا نهي الصداقه بين الولد والبنت في حد ذاتها غلط جدا الا اذا كانت في نطاق الدراسه فقط الموضوع بيبتدي انه ياخد رقم التليفون وميسد لا مسدج ووووووو والصداقه بتتقلب الي ناحيه اخري ليس لها نهايه ويلا بقي عشان ده مش مكان النقاش تعالو ندخل نتكلم في المنتديات الجدد وشكرا يا دكتور علي بذل المجهود الرائع ده

زميلتي أيه انا من الفرقه الربعه عشان كده مش عندي فكره عن الموضوع ده بس هسأل ان شاء الله يوم السبت لو ينفع هاخد انا زوملائي كمان

تم إضافة أربع منتديات حول قضايا تهم الشباب يمكنكم المشاركة
في قسم المنتدى

ومعلش يانهال تسمحيلي برده ارد عليكي
لو كانت البنات صحاب اوي زي مابتقولي مكنتش الولاد قدرت تهز الصداقة دي
وبعدين ياجماعة انا بكره البنت اللي تخسر صاحبتها عشان ولد وكمان الولد اللي يخسر صاحبه عشان بنت
ليه منبئاش كلنا صحاب وحبايب ووقت ماتحصل مشكلة حد يدخل يحلها من غير ماتخسرو بعض اصلا
وبجد اعرفو
يابنات اللي بائيلكو البنت اللي زيكو مش الولد
وكذلك الولاد اللي بقيلو صاحبه مش البنت خالص
وده مايمنعش ان ف صحاب جامدين بنات وصبيان وماقدرش اتكلم عنهم ولا ربع كلمة

ان شاء الله المحاضرات القادمة سيكون فيها تحديد أكثر والملغي والمقرر والمهم والاكثر أهمية وكل شيئ انتم عايزينه فأحرصوا على حضور هذه المحاضرات
تم انشاء ثلاث منتديات حول قضايا تهم الشباب يمكنكم المشاركة

يا دكتور حضرتك موش رديت عليا
انا من الفرقة التانية
وبحضر كل محضراتك
بس انا خايفة اوى من الامتحانات اوى

الفكرة دي هايلة يادكتور عبدالله
وبجد ياجماعة عايزين نقترح مواضيع تخص الشباب وحياتنا
اما بالنسبة لردي علي ايه اولا ماتخديش ان الانطباع العام عن الصبيان ان كلهم وحشين لان في منهم رجالة بجد
وزي مافي بنات كويسة في كمان بنات شياطين فكل حاجة ف الدنيا فيها الحلو وفيها الوحش
وبعدين بالنسبة للمعاكسة فالحلوة بتتعاكس والوحشة برده المهم هنا علي استجابة الطرف التاني مش علي المثير اللي هو الولد
وبجد نصيحتي ليكي حاوليي انك تتئني وتركذي جدا ف اختيار اصدقائك بما انك لسه ف الفرقة التانية يني لسة قدامك سنين ومتحكميش علي صحابك بسرعة ولو في اي اعتراض علي كلامي مستنيا كي تتكتبيه

مرسيه يانهال انا في الفرقه التانيه

بجد انا بشكر احمد الحيوان علي انه عمل المحاضرات في الميديا فاير بجد حاجة حلوة جدا وسهلت علينا حاجات كتير ميرسي ليك بجد

ده كورس icdl يا نهال اجبارس علينا ان حنا ناخده في المعهد

دكتور المحاضرات اللي محطوطه دي ناقصها محاضرة اللي هي قبل مراجعةالاسبوع السابق وهي اولا المواقف التي تتطلب دراسة الديناميكيه فيما يلي:مواقف اجراء الانتخابات وتشكيل اللجان ثانيا:عندتوزيع المسؤليات )وضع تنظيم وظيفي جديد ثالثا:وجود مشكلات في الجماعات وصراعات رابعا:موقف اتخاذ القرار خامسا:المواقف القياديه الخاصه بالقائد وعلاقته بالاعضاء سادسا:مواقف الضبط الاجتماعي خروج بعض اعضاء الجماعه عن تقاليد المجتمع وسائل دراسة الديناميكيه ا_تحليل محتوي ويشمل خريطه التفاعلات والتسجيل وخريطة علاقات الافراد 2_الملاحظه وتشمل بالمشاركه _دليل_بواسطه عضو 3_الاستفتاءات منها 1-
.0الاستبيان 2_الاستبار وبكره اكملكوا الباقي وكدا تبقي المحضارات دكتور عبدالله حططها كلها

دكتور ابتدي بعمل المنتدي الخاص مناقشه المواضيع وشكرا ل حضرتك علي الوقت اللي بتديهولنا

والفكره بصراحه جميله اوي لان انا اكتشفت ان النت اللي بيقرب الناس من بعضها ومحدش بيتكسف والكل هيقول رايو وبصراحه

دكتور حضرتك ممكن تحدد الموضوع وكلنا ندخل ونشارك علشان بس تكون المشاركه سريعه ويكون موضوعنا واحد وبعد ما كل واحد يقول رايه ونوصل لحل نشوف موضوع تاني

كلامك جميل اوي يا أيه انتي في الفرقه الكام؟؟ وكمان ملحوظه بيكون في بنات كمان اصحاب اوي لو دخل شلتهم ولاد كلهم بيخسرو بعض والبنات بتكره بعض

وبشوف في المهعد بيضعوا وقت مع البنات ويعودوا يعكسوا البنات ليه مفيش نقطة الضمير وان البنات اللي معاهم اخوتهم فقط ليه يعودا يلفوا ويدوروا حولين البنات والبنات يعيني بتصدقهم نصيحه بجد هامه وبذات لبنات معهدنا محدش يصدق ولاد وبذات ولاد المهد بتاعنا دالان والله بشوف في المعهد كلام فاضي اوي ماهو الا تضيع وقت والبنت قيمتها بس بتقل في وجهة نظره اولا وفي نظر اللي حوليها ونتكلم عن نقطة هامه اوي الاخلاص ودي مبدا كل حاجه اخلاص في المذاكره اخلاص في العمل زي حضرتك يادكتور عبدالله اخلاص للعباده انا سمعت شيخ قال ناخد مبدا الاخلاص دا اول حاجه في حياتنا وفعلا دي اهم نقطه الواحد يستخدمها في حياته عشان تبقي حياه ميسره ومع كل حياه ترفيهيه بس بردوا مبدائها الاخلاص وبكدا الامور تيسر ولا تتعس وانا شايفه ان حضرتك يادكتور عبدالله اخد المبدا الاول في حياتك هو الاخلاص وطبعا اللي انا شيفاه الاخلاص في العمل وياريت كله يبقي مثل حضرتك

فكره جميله اوي اوي يادكتور وممكن نتناقش ليه الشباب ونفسي اعرف ليه بضيع وقتها كدا وبشوف كدا حجات غلاسه برود وكلامفاضي ليه ميخلوش وقت للمعهد ووقت للشغل عشان حتي يكونوا نفسهم ليه يعودوا يقولوا ويخدوا حجة البطاله وقلة الشغل ليه كدا ليه مش يجروا علي مصالحهم مثلا وقت المعهد او الايام بتاعته بس الهي الفتره الصباحيه يخلوها لوقت المعهد فقط وبليل يشتغلوا في مكتب في محل ويحاولو يكملوا دراستهم ويحطوا في دماغهم ان هما في يوم يوصلوا زي حضرتك

كورس ال
icdl
وممكن ياولاد نحدد موضوعات تهم الشباب ونتناقش فيها ونقول رأينا بصراحه
مبدأياً اللي عنده فكرة موضوع للنقاش يقولها وناخد تصويت عليها ونعمل لها منتدى خاص بيها أيه رأيكم